Лион е без победа по три кола во новата сезона од францускиот шампионат. Иако беше на прагот на триумф против Клермон, сепак, дозволи да прими два гола и на крајот дуелот заврши 3-3.
Муса Дембеле од пенал донесе водство во петтата минута, а Клермон израмни брзо со автоголот на Диоманде. Дембеле повторно се погрижи за предност, а Лукас Пакета во 45.минута зголеми на 3-1.
Сепак, и тоа не беше доволно за победа. Клермон се врати со два гола во второто полувреме. Елбасан Рашани со погодоците во 80. и во 90.минута беше херој на гостите на овој меч.
