Англискиот премиерлигаш Лидс Јунајтед го бара наследникот на Џеси Марш. Раководството на клубот го посакува тренерот на Феенорд, Арне Слот, на клупата на тимот.
Арне Слот интересен за голем број европски клубови откако неговиот тим Феенорд минатата сезона стигна до финалето на Конференциската лига на УЕФА, губејќи од Рома. Во моментов неговиот тим повторно игра одлично и е на врвот на Ередивизие со само еден пораз досега.
Лидс Јунајтед, предводен од асистентот Скубала, синоќа одигра 2-2 против Манчестер Јунајтед на „Олд Трафорд“.
