Тренерот на Хајдук Сплит, Џенаро Гатузо, реши да го отстрани Иван Перишиќ од првиот тим на „билите“. Хајдук утре игра против Локомотива Загреб, но еден од најдобрите играчи нема да биде во составот.
„Од првиот ден кога дојдов на кормилото во Хајдук барам дисциплина. Постојат јасни правила и секој мора да ги почитува“, кажа Гатузо.
На претходниот натпревар Хајдук Сплит беше без Емир Сахити. Тој задоцни пред заминувањето во Словачка на дуелот против Ружомберок и беше оставен дома.
„Секогаш мислам дека е подобро да го загубам натпреварот, отколку тренерското достоинство“, изјави тогаш Гатузо.
