Македонија ЃП ја пречекува Брегалница во Ѓорче Петров во последниот натпревар од 15.коло во Првата фудбалска лига. „Лавовите“ сакаат да врзат две победи откако претходно триумфираа во Прилеп, но и Брегалница доаѓа во добра атсмосфера по победата над Тиквеш, а тимот по заминувањето на Илчо Ѓорѓиоски го презеде Лазар Илиев.
Двете екипи се чини дека очекуваа и многу подобар пласман по првиот дел од сезоната, но, сепак, се појавија многу проблеми и во двата табори. Не им недостасува квалитет, но едноставно тоа не е отсликано и бодовно на табелата.
Вчера, лидерот Струга ТЛ ја доби дерби-пресметката со Шкендија (1-0), а Шкупи оствари триумф (3-1) против ФК Скопје во Кичево. Убедливи победи славеа и Академија Пандев и Тиквеш.
