Лацио ја прекина низата од четири меча без победа и успеа да го добие градското дерби против Рома со 3-2. Во еден жесток натпревар, „лацијалите“ почнаа фуриозно со головите на Сергеј Милинковиќ Савиќ и на Педро, а Ибањез успеа да намали пред полувремето.
Фелипе Андерсон во 63.минута зголеми на 3-1, а шест минути подоцна неизвесноста ја врати Џордан Верето. На крајот, сепак, Лацио успеа да стигне до триумф.
