Претседателите на Реал Мадрид, Барселона и на Јувентус, Флорентино Перез, Хоан Лапорта и Андреа Ањели, се сретнаа во Лас Вегас да разговараат за „оживување“ на проектот за Европската Суперлига, пренесе каталонски „Спорт“. Според изворот, една од темите на разговорот била какви промени треба да се направат во проектот за заживување на турнирот.
Како што е познато, на 19 април 2021 година, 12 клубови го објавија создавањето на Суперлигата. Сепак, по протестот на навивачите и заканата со санкции од страна на УЕФА, проектот беше прекинат.
Единствено Реал Мадрид, Барселона и Јувентус останаа упорни на ставот дека формирањето на Суперлигата е за доброто на европскиот клупски фудбал.
