Аргентинската суперѕвезда Лионел Меси е слободен агент, што значи дека може да ја напушти Барселона, каде што настапува 21 година, но и да потпише нов договор со клубот каде ја помина целата своја кариера.
Во неговата одлука не е сигурен ниту претседателот на Барселона, Хоан Лапорта. Тој се надева дека Меси ќе остане во клубот, но не може да го гарантира тоа. Оваа негова изјава за шпанските медиуми што ги шокираше навивачите на Барселона.
„Сакаме Меси да остане, Лео исто така сака да остане, сè е како што треба. Ние сме во процес на изнаоѓање на најдоброто решение за двете страни. Би сакал да можев да го гарантирам неговото останување, но во моментов не можам да го сторам тоа“, изјави Хоан Лапорта.
