Манчестер Сити го победи Баерн Минхен со 2-1 на пријателскиот натпревар на турнејата низ Азија. Стрелец на победничкиот гол беше Ејмерик Лапорт во финишот од мечот.
„Граѓаните“ го добија првото полувреме со 1-0 со голот на младиот Мекати, а израмни исто така млад фудбалер на Баерн Минхен, Матис Тел во 81.минута.
Сепак, Сити успеа да победи, откако Лапорт погоди за триумф во 86.минута од дуелот.
Пеп Гвардиола и Томас Тухел им дадоа шанса за настап на сите фудбалери во текот на мечот.
