Поранешниот фудбалер и тренер на Челси, Френк Лампард, стана член на „Куќата на славните“ на Премиер – лигата.
На 609 натпревари во Премиер – лигата, Лампард постигна 177 гола и забележа 102 асистенции. Трипати беше шампион на Англија, а еднаш ја доби наградата за најдобар играч во сезоната.
Лампард е петти член на „Куќата на славните“ на Премиер – лигата. Претходно, во неа влегоа Алан Ширер, Тиери Анри, Ерик Кантона и Рој Кин.
