Мандатот на Чави Симонс во Пари Сен Жермен дефинитивно заврши, бидејќи Лајпциг, клубот во кој играше како позајмен фудбалер во последните година и пол, го откупи неговиот договор.
Одличниот офанзивен играч за врска во 2023 година потпиша четиригодишен договор со парискиот клуб, каде што ја започна својата професионална кариера во 2021 година.
Во сезоната меѓу двата престои во Париз, Симонс настапуваше за ПСВ, а потоа цела втора сезона ја помина во редовите на Лајпциг, кој сега го откупи неговиот договор за 50 милиони евра. Според „Билд“, ова е историски трансфер за клубот од источна Германија.
Лајпциг претходно го имаше најскапиот трансфер со доведувањето на Лоис Опенда од Ланс за 40 милиони евра, но сега Симонс стана најскапиот играч во историјата на клубот.
Пред година и пол, ПСЖ плати шест милиони евра на ПСВ за да го врати Симонс во своите редови.
Во дресот на Лајпциг, Симонс постигна 15 гола на 60 натпревари.
Лајпциг оваа сезона не успеа да се пласира во нокаут-фазата на Лигата на шампионите, а во Бундес-лигата се наоѓа на петтото место со 32 бодa.
