Натпреварот меѓу лидерот Атлетико Мадрид и Атлетик Билбао нема да се одигра. Вака одлучи раководството на Ла Лига по снежните наноси на „Ванда Метрополитано“ и цела Шпанија. Гостите информираа дека не можат авионски да пристигнат навреме снежното невреме, а Ла Лига го прифати нивното барање и го одложи мечот.
Нема прецизен термин кога ќе се одигра натпреварот, ќе биде утврдено во наредните денови.
Реал Мадрид синоќа исто така имаа проблеми при летот за Памплона, три часа чекаа во авион да добијат дозвола за полетување. На крајот сепак успешно стигнаа на планираната дестинација.
