Најтрофејниот македонски фудбалски клуб Вардар успеа да го преживее Прилеп и по изведување пенали (5-6) славеше над домаќинот Победа во 1/16-финалето на Купот на Македонија. Голманот на Вардар, Филип Илиќ, во седмата серија го одбрани пеналот на Игор Момировски, откако претходно Филип Петковски погоди за Вардар. Претходно, и двете екипи имаа по еден нереализиран удар од белата точка.
Вардар поведе на стадионот „Гоце Делчев“ во 54.минута. Дејан Блажевски постигна фантастичен гол од слободен удар. Но, Победа успеа да израмни во судиското продолжение и го одведе куп-дуелот на пенали. Сепак, на крајот повторно се радуваа вардарци.
