Куп: Тиквеш остана непоразен на Чаир

Шкупи не успеа да обезбеди предност против Тиквеш во првиот полуфинален натпревар од Купот на Македонија. Дуелот на Чаир заврши без голови (0-0), па јасно е дека патникот во финалето ќе се решава на реваншот во Кавадарци.

Тимот на Ѓорѓи Мојсов и во второто гостување на Чаир оваа сезона остана непоразен. Со цврста и еластична одбрана успеа да го одржи почетниот резултат, иако не делуваше безопасно и кон голот на Иљази.

Шкупи беше за нијанса подобар противник, а единствената стопроцентна можности ја имаше Јоан Eдмундсон во првото полувреме, во 28.минута. Тој успеа да обезбеди од противничките фудбалери, но не успеа да го совлада и противничкиот голман Ренер кој истрча и му го скрати аголот.

Во вториот дел убав обид имаше и Дуду, но Ренер повторно успеа да одбрани.

Реваншот во Кавадарци е закажан за 17 април.

Утре се игра и првиот меч од вториот полуфинален натпревар, во Охрид се среќаваат Воска и Македонија ЃП.