Кулибали со првенец, но Кејн донесе реми на „Стемфорд бриџ (ВИДЕО)

Челси и Тотенхем ремизираа (2-2) во лондонското дерби на „Стемфдорд бриџ“. Новото засилување Калиду Кулибали го постигна првенецот во дресот на Челси за почетно водство на „сините“, а израмни Пјер-Емил Хојбјерг во 68.минута.

Челси дојде до нова предност со голот што го постигна Рис Џејмс во 77.минута од натпреварот, но Хари Кејн во шестата минута од продолжението се погрижи за конечно реми.

Челси не успеа во чекор да ги следи Манчестер Сити и Арсенал кои имаат максимални две победи по две кола.