Многу полемики и внимание привлече поништениот гол на Лајпциг во втората минута од вчерашната средба со Реал Мадрид во осминафиналето на Лигата на шампионите.
Судијата досуди офсајд по голот на Шешко, а мислењето во јавноста беше поделено.
Контроверзната ситуација ја коментираше и Тони Крос, кој со својата изјава ги шокираше навивачите на „кралскиот клуб“.
„Овде гледам дека голманот не беше блиску до топката. Голот требаше да биде признат. Немам што друго да кажам“, изјави Крос.
Како и да е, Лајпциг не успеа да го надополни пропуштеното, на домашен терен беше поразен од Реал со 0-1, а стрелец на единствениот гол на натпреварот беше Брахим Дијаз.
