Поранешниот македонски репрезентативец, голманот Кристијан Наумовски, се враќа во Македонија и ќе го брани голот на Шкупи. Тој потпиша двегодишен договор со клубот од Чаир и веднаш му се приклучи на тимот на подготовките во Охрид.
„Среќен сум што успеавме да постигнеме договор со раководството на Шкупи, тренерот Мухарем Бајрами инсистираше да го засилам тимот и да дојдам во Шкупи. Ова е клуб со голема традиција во македонскиот фудбал и со верни навивачи. Се надевам дека ќе бележиме успеси во наредниот период“, изјави Кристијан Наумовски.
Тој во Македонија беше дел од Работнички, а потоа градеше интернационална кариера. Беше член на Динамо Букурешт, Левски Софија, потоа замина во Хонг Конг и настапуваше за Пегасус, а играше и на Малта, во Балзан и во Биркиркара.
