Реал Мадрид ја доби градската пресметка против Атлетико Мадрид на „Ванда Метрополитано“ со 1-2 и го задржа максималниот ефект во Ла Лига. Тимот на Карло Анчелоти има шест победи во исто толку натпревари во шпанскиот шампионат.
Тензија не изостана и на ова мадридско дерби, а Родриго и Винисиус заиграа самба откако Реал Мадрид поведе. Родриго беше стрелец на голот во 18.минута за водство на „кралевите“, а Феде Валверде зголеми на 0-2 во 36.минута.
Атлетико Мадрид не се предаде лесно, успеа да намали преку Хермосо во 83.минута, но токму стрелецот доби црвен картон во судиското продолжение.
