Раководството на Реал Мадрид ќе се обиде да го доведе дефанзивецот на Ал-Наср, Ејмерик Лапорт, откако клубот претрпе неуспех во преговорите за талентот на Лил, Лени Јоро. Французинот се договори со Манчестер Јунајтед и по сè изгледа дека ќе ја продолжи својата кариера на „Олд Трафорд”.
Јоро беше посакуван од многу клубови, но условите понудени од „црвените ѓаволи“ беа најпривлечни за младиот фудбалер.
Како план Б, Реал размислува да понуди договор за многу поискусниот шпански репрезентативец Лапорт. Централниот дефанзивец беше интересен за „кралскиот клуб“ уште кога играше за Манчестер Сити.
30-годишниот Лапорт ги напушти „граѓаните“ минатата сезона, откако доби неодолива понуда од Ал-Наср.
Реал Мадрид итно бара нови засилувања во одбраната, откако капитенот Начо и Рафа Марин го напуштија клубот.
