Италијанскиот калчолигаш Интер и оваа сезона експресно е елиминиран од Лигата на шампионите уште во групната фаза, а нема да продолжи ниту во второто европско натпреварување. Заврши како последнопласиран во групата, а фановите се бесни затоа што тимот не можеше да го победи Шахтјор Доњецк ниту на еден од двата натпревари за да избори пласман во осминафинале од елитата.
Ова става огромен притисок на тренерот Антонио Конте и неговото егзистирање во клубот. Засега раководството вели дека тој ја има поддршката, но всушност за двајца сопружници кои неволно живеат во заедница. Конте има договор со годишна плата од 12 милиони евра и отказот многу би го чинел клубот во овој кризен период кога пандемијата на коронавирусот многу ја ослабна моќта на клубовите.
Конте добива шанса да го води Интер се додека е конкурентен во трката за скудетото. Тој инсистира да ја задржи формацијата 3-5-2 и им верува на премногу искусни фудбалери, дури и ветерани, а раководството сака да го води клубот на сосема поинаков начин. Разделбата се чини дека е евидентна и ќе се случи…Посебно доколку ги нема посакуваните резултати.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski