Еден гол чини чуда, посебно ако го дадете против големиот градски ривал Милан. Данецот Кристијан Ериксен го „реши“ Милан во Купот на Италија и ќе остане во Интер најмалку до крајот на сезоната. Го „купи“ и Антонио Конте.
„Ериксен останува во Интер. Тој нема да го напушти клубот. Нема да доведеме нови фудбалери, па затоа нема никого ниту да пуштиме да замине. Постигна одличен гол“, изјави Антонио Конте по големиот триумф на Интер против градскиот ривал.
Двата милански клуба водат голема битка и во Серија А. Милан е на врвот, а Интер на второто место и доцни два бода во однос на „росонерите“.
