Фудбалерот од средниот ред на Барселона, Френки де Јонг, конечно ќе може да се врати на тренинзите на тимот. Холандскиот репрезентативец заработи сериозна повреда кон крајот на минатата сезона, поради која го пропушти и Европското првенство ова лето.
Неговите проблеми продолжија и во неделите пред почетокот на новата сезона, при што не беше јасно каква е неговата состојба. Позитивната вест сега е дека конечно холандскиот интернационалец може да се врати на тренинзите.
Според каталонското издание „Мундо Депортиво“, Де Јонг се чувствува добро по конзервативниот третман, а тренерот Ханси Флик планира да го вклучи во тренинзите со групата од следната недела.
