Комисијата за натпревари во рамки на Фудбалската федерација на Македонија донесе одлука последнте две кола да се одиграат без присуство на публика и информацијата ја испрати до клубовите од Првата фудбалска лига и до фудбалската јавност.
Комисијата за натпревари го прифати барањето на МВР и донесе одлука натпреварите од 17. коло (03. декември, 13:00 часот) и 18. коло (08. декември, 13:00 часот) во Првата МФЛ да се одиграат без присуство на публика.
Одлуката на Комисијата за натпревари е донесена поради извршена проценка на Министерството за внатрешни работи заради неодамнешните случувања и спречување на било каков вид на насилство и недолично однесување пред, за време и по одигрување на фудбалските натпревари.
