Голгетерот на Ајнтрахт Франкфурт, Рандал Коло Муани, ја известил управата на клубот дека сака да биде реализиран негов трансфер во ПСЖ. За францускиот репрезентативец заинтересирани се Баерн Минхен и Пари Сен Жермен, а желбата на 24-годишниот напаѓач е да го носи тимот на парижани.
Германскиот клуб не е против разделба со својата ѕвезда за доволно добра понуда. Пред една година бундеслигашот го ангажираше Коло Муани на слободен трансфер од Нант, а сега ќе инкасира огромна сума за неговиот трансфер.
Во својата прва и веројатно единствена сезона во тимот на Ајнтрахт Франкфурт, Французинот одигра вкупно 46 натпревари, на кои постигна 23 гола и забележа 17 асистенции.
ПСЖ е фокусиран на комплетирање на договорот за Гонсало Рамош од Бенфика и ќе го таргетира Коло Муани откако тоа ќе се случи. На „Паркот на принцовите“ сакаат прво да ги договорат личните услови на фудбалерот, а дури потоа да преговараат со Ајнтрахт.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski