ФИФА ги објави тројцата финалисти за наградата „The Best“, за најдобар фудбалери на годината. Меѓу номинираните се Лионел Меси, Килијан Мбапе и Карим Бензема.
Меси е прв фаворит, со оглед дека ја освои титулата светски првак со Аргентина, беше најдобар играч на Мундијалот и освои трофеи со Пари Сен Жермен во Франција.
Килијан Мбапе исто така беше одличен на СП во Катар, беше најдобар стрелец, но и голем адут на ПСЖ.
Карим Бензема со Реал Мадрид ја освои европската титула, беше најдобар во Ла Лига, а го освои и Суперкупот на Европа. Тој ја освои и „Златната топка“.
