Connect with us

Кочо Анѓушев се повлече од Борец, сите фудбалери се слободни да си заминат?!

Турбуленции во македонскиот прволигаш Борец. Првиот човек на клубот, Кочо Анѓушев, кој го имаше мнозинскиот пакет во УО на клубот со компанијата „Брако“ се повлекува. Ова им е соопштено на фудбалерите и на стручниот штаб со напомена дека секој би можел слободно да си замине од клубот во последните денови од зимскиот преоден рок. 

Кочо Анѓушев драматично беше револтиран на последното собрание на ОФС Велес на кое Борец не успеа да добие претставник. Подолг период висеше оваа одлука за повлекувањето на компанијата „Брако“, а сега е и официјална. Останува да се види каква ќе биде судбината на ФК Борец и дали во последен момент ќе може да помогне општина Велес.   

Борец влегува во немирни води непосредно пред почетокот на вториот дел од првенството во Првата фудбалска лига. Тимот имаше одлична есен и се наоѓа на петтото место на табелата со 25 бода.     

Advertisement
Advertisement
Advertisement

Facebook

Тимови