Ливерпул го победи Вилјареал со 2-0 во првиот полуфинален натпревар од Лигата на шампионите. Англискиот тим славеше на „Енфилд“ со автоголот на Первис Еступињан во 53. минута и голот на Садио Мане во 55. минута.
„Беше јасно дека само треба да продолжиме со тоа што го правевме. Штом имаше моменти кога Вилјареал беше ослободен од притисокот, веднаш беа закана. Во најголем дел, ние се справивме многу добро. Мислам дека одигравме добар натпревар“, изјави менаџерот на Ливерпул, Јирген Клоп.
Германскиот стручњак изјави дека неговиот тим мора да биде фокусиран за следниот натпревар.
„Беше добро и во првото полувреме, иако не постигнавме гол. Засега се е како што треба. Но, нè очекува патување во Шпанија и ќе се обидеме да стигнеме до финалето. Ќе мораме да бидеме 100 проценти подготвени, фокусирани и расположени за тој реванш. Имаме два гола предност и тоа е добро, подобро од пред 90 минути, пред почетокот на натпреварот, но се уште не сме го елиминирале ривалот“, дополни Клоп.
Реваншот меѓу Вилјареал и Ливерпул се игра на 3 мај во Шпанија.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski