Менаџерот на Ливерпул, Јирген Клоп, потврди дека клубот не добил понуда од Саудиска Арабија за нивниот најдобар стрелец Мохамед Салах. Во последните денови се шпекулираше дека Ал-Итихад планира да им понуди на „црвените“ 100 милиони фунти за Египќанецот, кој дури и се согласил на преселба во клубот во кој веќе се Карим Бензема, Н’Голо Канте и Фабињо.
Сепак, Клоп е дециден дека дури Ливерпул и да добие ваква примамлива понуда, одговорот на клубот ќе биде негативен.
„Тешко е да се коментираат приказните во медиумите бидејќи од наша гледна точка воопшто нема за што да се зборува. Салах е од суштинско значење за нас. Ништо, не добивме никаква понуда. Дури и да има такво нешто, одговорот би бил „не“. Тој е 100% посветен на Ливерпул“, изјави Клоп на денешната прес-конференција.
За претстојниот дуел со Њукасл, Германецот вели:
„Тоа е неверојатно силен тим. Нивниот пласман во Лигата на шампионите е целосно заслужен. Тимот има огромен развој под водство на Еди Хау. Покрај тоа, тие беа многу паметни на трансфер пазарот. Сандро Тонали и Харви Барнс се многу добри фудбалери. Њукасл игра многу интензивен фудбал и поддршката од публиката е огромна, па затоа е многу тешко гостување.“
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski