Легендарниот дефанзивец на Јувентус и на италијанската фудбалска репрезентација, Џорџо Кјелини, отвора ново поглавје во кариерата. Тој се сели во МЛС – лигата на САД и беше промовиран како нов фудбалер на Лос Анџелес.
„Сигурен сум дека ова е вистинскиот клуб за мене. Лос Анџелес е фантастичен град и навистина ќе биде навистина да живеам тука. Мислам дека ги имаме сите предиспозиции да бидеме тим со победнички менталитет“, изјави Кјелини на промоцијата.
Тимот од ЛА моментално е лидер во првенството на САД со 33 бода од 16 меча, а со доаѓањето на 37-годишниот Кјелини, одбраната треба да биде уште посигурна. Освен Кјелини, во Лос Анџелес летово потпиша и Герет Бејл.
