Капитенот на Јувентус, Џорџо Кјелини потврди дека ќе ја заврши репрезентативната кариера на натпреварот против Аргентина на „Вембли“ во јуни. На легендарниот стадион минатото лето тој го постигна најголемиот успех со „аѕурите“ освојувајќи го Европското првенство.
“Ќе се збогувам со репрезентацијата на Вембли, каде што го достигнав врвот на кариерата со освојување на Европското првенство. Сакам да се простам со убави спомени. Ова секако ќе биде мојот последен натпревар за Италија”, изјави Кјелини.
Неговиот договор со Јувентус истекува во летото 2023 година.
„Прво да го освоиме четвртото место и да го освоиме Купот на Италија, а потоа ќе седнам со двете семејства – со семејство и со Јувентус и ќе одлучиме што е најдобро за сите“, истакна Кјелини.
