Напаѓачот на Јувентус, Федерико Киеза, кој постигна гол во победата од 2-0 над Лацио во полуфиналето на Копа Италија, изјави дека тоа не е доволно за да се извлече тимот од кризата.
„Бевме малку напнати во првото полувреме, но во второто се вративме како тимот што бевме во јануари“, изјави Киеза.
„Сега мораме да се концентрираме на Серија А и таму да се вратиме на вистинскиот пат. Критиките се сосема фер и вистинската работа е да ги слушаме и да се обидеме да бидеме подобри.
Резултатот 2-0 не е доволен, за да се извлечеме од кризата која трае веќе неколку месеци“, истакна Италијанецот.
„Во Јувентус секогаш треба да бидете на 110 проценти. Тензијата е висока и мора да биде“, додаде Киеза.
