Ќе се одиграат ли одложените второлигашки натпревари?

Лидерот на табелата во Втората лига Запад, тимот на Силекс, денеска (13 часот) треба да го заокружи одличниот есенски настап со гостување во Велешта. Мечот е неизвесен дали повторно ќе се одигра поради снежниот терен на домаќинот. Иако е интервенирано, направен е обид снегот да биде исчистен, сега теренот повеќе наликува на каллива нива, отколку на фудбалски терен. Но, проценката сепак ќе ја дадат судијата и делегатот на натпреварот заедно со капитените на двата тима.

Во Гостивар ситуацијата е уште полоша, таму снегот не е ни исчистен, а прашање е каква ќе биде состојбата и за одигрување на дуелот Кораби – Охрид Лихнидос.

Во Втората лига Исток треба да се одиграат два натпревари, Кожуф – Братство и Детонит – Осогово.