Италијанскиот калчолигаш Џенова размислува за промена на тренерската позиција. По синоќешниот пораз од Парма на домашен терен, раководството на Џенова сериозно ја разгледува можноста за разделба со тренерот Роландо Маран. Тој би можел да ја напушти функцијата уште во текот на денешниот ден.
Италијанските медиуми најавуваат дека Џенова би можела да го врати Давиде Никола, кој во еден период имаше одлични резултати со тимот.
Џенова се наоѓа на претпоследната позиција на табелата во Серија А, има само пет освоени бода по девет одиграни кола.
