Македонскиот прволигаш Ренова го именува Ќатип Османи за нов шеф на стручниот штаб. Тој доаѓа на местото на Бујар Ислами кој поднесе оставка по серијата слаби резултати на стартот од новиот шампионат во Првата лига. Со него доаѓа и постојаниот соработник Башким Ливорека.
Ќатип Османи беше на кормилото на Ренова во периодот од 2012 до 2017 година и оствари одлични резултати со „гипсарите“. Потоа беше тренер и на Шкендија и на Шкупи. Сега неговата мисија ќе биде да го извлече тимот од опасната зона на табелата.
