Легендарниот шпански голман Икер Касилјас вчера ја шокираше јавноста со објавата на Твитер дека е геј.
„Се надевам дека ќе ме почитувате, јас сум геј“, беше објавено на профилот на Твитер на Касилјас.
Подоцна се испостави дека неговиот профил бил хакиран, а тој се извини на ЛГБТ заедницата.
„Профилот ми беше хакиран. За среќа сега е се во најдобар ред. Се извинувам на сите кои ме следите. Секако, најмногу на ЛГБТ заедницата“, напиша Касилјас.
Сепак, за неколку часа, по ваквата објава Касилјас загуби дури три милиони следбеници на социјалните мрежи.
