Белгискиот интернационалец Јаник Караско се сели во Саудиска Арабија. Ал Шабаб е клубот кој успеа да го добие одличниот играч за врска откако најде заеднички јазик со Атлетико Мадрид за да го реализира трансферот. Саудијците ќе платат сума од 15 милиони евра како обештетување.
Караско ќе потпише тригодишен договор со Ал Шабаб и ќе се придружи на големиот број ѕвезди кои ова лето заминаа во Саудиска Арабија.
Караско беше желба и на Барселона, но каталонскиот клуб не можеше да го доведе поради проблемите со финансискиот фер-плеј.
