Фудбалската репрезентација на Македонија треба да биде во „бабл“ (затворен меур) на Европското првенство, но тоа кај нашите репрезентативци одамна не се почитува. Излегуваа надвор пред хотелот „Мериот“ да даваат изјави, а и во Скопје фудбалерите се фотографираа со кого стигнат и си одеа на бензиска после полноќ за да јадат сладолед.
После поразот од Украина, селекторот Игор Ангеловски и капитенот Горан Пандев заминаа на луксузна вечера со своите сопруги. Еднаш е Европско првенство. Сега е нивно време. Ама, ги „уловија“ папараците на романскиот „Проспорт“.
