Најтрофејниот македонски клуб Вардар доведе уште едно засилување, со што најверојатно и го комплетира тимот за новата сезона во македонскиот шампионат. Нов фудбалер на Вардар е камерунскиот интернационалец Даниел Донгмо кој треба да го засили средниот ред.
Донгмо настапувал во вториот тим на францускиот клуб Троја во петтата лига на оваа земја. Има 23 години и вардарци очекуваат да ја засили конкуренцијата во тимот.
