Килијан Мбапе замина на одмор во Мароко и се обидува за момент да ја заборави целата врева околу него и неговата иднина. Сепак, со него е Едуардо Камавинга, негов одличен пријател и соиграч од репрезентацијата, кој е член на Реал Мадрид.
Тоа веднаш предизвика еуфорија кај фановите на „кралскиот клуб“. Наводно, Камавинга треба да му ги пренесе на Мбапе сите пораки од Реал Мадрид и да го увери дека тоа е вистинскиот клуб за него.
Мбапе им порача на раководните луѓе на ПСЖ дека нема намера да потпише продолжување на договорот, а веднаш доби ултиматум, и тоа директно од емирот од Катар дека ќе биде продаден ова лето, ако не се сложи на продолжување на соработката.
Реал Мадрид засега мудро ја чека разврската.
