Италијанскиот калчолигаш Наполи, чиј член е македонскиот репрезентативец Елиф Елмас, се интересира за новиот фудбалски дијамант од Работнички, Лука Станковски, тврди „Калчомеркато“. Зимскиот трансфер прозорец влегува во втората фаза, а младиот фудбалер на „романтичарите“ е цел на се повеќе заинтересирани клубови од Европа.
„Наполитанците“ не би сакале да го испуштат новиот македонски талент, а италијанските медиуми најавуваат дека скаутирањето е завршено и дека сега почнуваат преговорите за ангажман на младинскиот репрезентативец.
Во Турција веќе наголемо се пишува дека Фенербахче одлучил да го купи Лука Станковски, а најновото е дека во трката се вклучуваат и Галатасарај и Бурсаспор.
Од Балканот, Црвена Звезда и Динамо Загреб појавуваат интерес за фудбалерот за врска кој во есенската полусезона постигна седум гола и забележа две асистенции на 15 натпревари во Првата фудбалска лига.
