Каланоски од пенал го порази Вардар, Воска го презеде врвот во Втората лига

Гостивар му го нанесе првиот пораз на Вардар оваа сезона во Втората лига откако го совлада во дербито со 1-0. Антонио Каланоски го изнуди и го реализираше пеналот во 16.минута од дуелот.

Вардар се обиде да возврати, но не успеа. Дербито беше тензично, но, сепак, беше прикажан борбен и допадлив фудбал.

Воска Спорт го презеде врвот откако го победи Тетекс со 4-0. Абдулвахит Мурати постигна хет – трик, а стрелаше и Илбер Беќири.

Пелистер исто така со 0-4 славеше на гости во Велес против Борец. Маневски, Мустафов, Дуков и Здравевски стрелаа за Пелистер.

Караорман и Детонит Плачковица ремизираа 1-1, а Беса славеше против Кожуф со 3-0. Каменица Саса го совлада Аресими со 1-0, а Охрид оствари минимален триумф (0-1) против Локомотива со голот на Кристијан Костовски. Беласица оствари триумф (1-2) на гости кај Слога Виница.