Манчестер Сити потпишa нов договор со Кајл Вокер. Десниот бек летово беше поврзуван со Баерн, но, сепак, на крајот потпиша нов договор со „граѓаните“ до јуни 2026 година.
„Горд сум на овој договор што ми овозможува да останам во Манчестер Сити, тоа е најдобриот клуб за мене. Уживав во секој момент во изминатите шест години, имам одличен тренер, фантастични соиграчи и навистина не гледав потреба да менувам било што. Ланската сезона во која стигнавме до тројна круна е нешто што нема да го заборавам до крајот на животот“, изјави Вокер по потписот на новиот договор.
Вокер дојде од Тотенхем во Манчестер Сити во далечната 2017 година.
