Јувентус стави крај на низата од четири меча без победа во Серија А и го победи Лече на домашен терен со 2-1. „Старата дама“ во моментот се искачи на втората позиција на табелата со 63 бода.
Леандо Паредес во 15.минута донесе водство за Јуве, а израмни Асан Сисеј во 36.минута. Сепак, Душан Влаховиќ само пет минути подоцна повторно се погрижи за предност за домаќинот.
Аталанта со 3-2 славеше против Специја, а стрелци за тимот од Бергамо беа Де Рон, Запакоста и Мјуриел.
Торино ја победи Сампдорија на гости 0-2, а Салернитана и Фиорентина одигра 3-3.
