Јувентус го насочи вниманието кон напаѓачот на Баер Леверкузен, Виктор Бонифејс, тврди „Газета дело Спорт“. Спортскиот директор на „бјанконерите“, Кристијано Џунтоли, го стави 22-годишниот Нигериец на врвот на листата на трансферни цели доколку Душан Влаховиќ биде продаден.
Србинот е под договор со Јувентус до летото 2026 година. Клубот започна преговори за обновување на договорот со Влаховиќ, но во моментов постои голема празнина помеѓу разговорите со агентите и постигнувањето договор.
Српскиот напаѓач има договор да ја зголемува својата плата секоја година, со што би заработил близу 12 милиони евра во последната година од неговиот договор, а веројатно нема да сака да се откаже од таа клаузула, прецизира „Газета дело Спорт“. Тоа сериозно би го оптоварувало буџетот на Јувентус.
Влаховиќ е многу ценет во клубот, но, сепак, разделбата со него нема да биде прифатена трагично, посебно од финансиски аспект.
