Италијанскиот првак Јувентус во наредните дваесетина дена ќе остане без услугите на велшкиот интернационалец Арон Рамзи. Тој заработи повреда на бутниот мускул на десната нога на синоќешниот меч против Ференцварош во Лигата на шампионите. Теренот беше тежок за игра, а Рамзи настрада при еден дуел.
Лекарскиот тим одреди дека ќе мора да паузира најмалку три седмици. Тоа значи дека ќе ги пропушти мечевите со Лацио и со Калјари, а би можел да се врати дури по репрезентативната пауза, на 28 ноември против Беневенто.
