Италијанскиот калчолигаш Јувентус ќе прави голема реконструкција на тимот во летниот преоден рок. Еден од фудбалерите кои најверојатно ќе замине е Пауло Дибала, со оглед дека не успеа да се договори со раководството за нов договор. За него се заинтересирани Интер и Милан.
„Старата дама“ ќе се обиде да се засили со фудбалер на Реал Мадрид. Една од желбите на Јувентус е Марко Асенсио, крилниот играч кој нема полна минутажа во дресот на „кралевите“. Тој има договор до 2023 година, но Реал Мадрид исто така ќе продава голем број фудбалери претстојното лето.
