Италијанскиот калчолигаш Јувентус го има приматот за клуб кој најдобро работи со ангажман на слободни агенти. Се чини дека најголемата заработка ја има на Пол Погба, кој пред шест години замина од Јувентус во Манчестер Јунајтед во трансфер вреден 100 милиони евра, а сега се враќа бесплатно, како слободен агент.
Јувентус и Пол Погба договорија нова соработка, а потписот ќе следи на почетокот на јули, кога на Французинот и официјално ќе му истече договорот со „црвените ѓаволи“.
