Италијанскиот калчолигаш Јувентус успеа да го комплетира трансферот на репрезентативецот на „аѕурите“, Мануел Локатели. „Старата дама“ за него ќе му плати 35 милиони евра на Сасуоло кој би можел да добие и дополнителни 5 милиони евра во зависност од успесите што ќе ги оствари фудбалерот во Торино.
Јуве подолг период водеше преговори со Сасуоло за одличниот играч за врска и конечно успеа да ги заврши со успех, непосредно пред стартот на новата сезона во Серија А.
Мануел Локатели имаше одлични настапи во репрезентацијата на Италија на Европското првенство. „Аѕурите“ ја освоија титулата откако во финалето на „Вембли“ ја совладаа Англија по изведување пенали.
