Италијанскиот првак Јувентус се намачи за да стигне до следната рунда од Купот на Италија. Дури по продолженија ја елиминира Џенова совладувајќи ја со 3-2. Во регуларниот тек мечот заврши 2-2.
Во четвртфиналето „старата дама“ ќе игра против подобриот од дуелот меѓу Сасуоло и Спал.
Кулушевски во втората минута и Мората во 23.минута постигнаа два гола за Јувентус и сите помислија дека работата е завршена. Но Џенова преку Чибора и Мелегони успеа да израмни. Стрелец на победничкиот гол за Јувентус беше Хамза Рафиа во 105.минута од дуелот.
