Англискиот премиерлигаш Манчестер јунајтед започна преговори за продолжување на договорот со играчот од средниот ред Бруно Фернандеш. Португалскиот интернационалец стана носител на играта на тимот од „Олд Трафорд“ и раководството на клубот сака да го награди со нов договор и зголемување на годишната плата.
Двете страни разговараат за продолжување на договорот уште од минатата недела. Се планира новиот договорот да биде со важност до крајот на јуни 2026 година.
Вчера, на првиот натпревар на Манчестер Јунајтед во сезоната 2021/22, Бруно Фернандеш постигна хет – трик против Лидс во триумфот од 5-1.
Договорот на актуелниот фудбалер важи до крајот на јуни 2025 година.
