Манчестер Јунајтед го посакува играчот за врска на Реал Мадрид, Кашемиро и подготвен е да плати вистинско богатство за да го доведе на „Олд Трафорд“. Шпанските медиуми откриваат дека раководството на „црвените ѓаволи“ подготвува понуда вредна 80 милиони евра за „кралскиот клуб“.
Јунајтед планира да го убеди Кашемиро да се пресели во Премиер-лигата со неверојатни услови. Тој би добил 20 милиони евра по сезона, двојно поголема плата од сегашната во Реал Мадрид.
Кашемиро освои се што може да освои со Реал, договорот му истекува во 2024 година, а со оглед дека има 30 години, ова можеби е и негова одлична шанса за уште еден голем договор во кариерата.
